​​ГЭР ШАТАЖ, 80 ОРЧИМ НАСНЫ ЭМЭГТЭЙН АМЬ НАС ХОХИРЛОО

Галлагааны улирал эхэлсэнтэй холбоотойгоор ахуйн хүрээнд гал гарсан гэх дуудлага мэдээлэл нэмэгдэх хандлагатай байна. Өнгөрсөн долоо хоногийн баасан гарагт Баянзүрх дүүрэгт айлын байшин шатаж, хоёр талын айлруу гал гарч, их хэмжээний хохирол учирсан бол өнөөдөр хүний амь нас эрсэдсэн харамсалтай хэрэг гараад байна.

Тодруулбал, Чингэлтэй дүүргийн 17-р хороонд гэр шатаж байна гэх дуудлагын дагуу СБД-ийн ОБХ-ийн Гал тйүмэр унтраах, аврах 34-р ангийн бүрэлдэхүүн ажиллаж, галыг унтраажээ. Галын улмаас 80 орчим насны эмэгтэй хүн галд өртөж нас барсан бөгөөд гал унтраах оролдлого хийсэн 50 гаран насны эмэгтэй унаж гараа гэмтээсэн байна.

Тиймээс иргэд пийшин зуухныхаа аюулгүй байдал, бүрэн бүтэн байдалд сайн анхаарч, өөрсдийнхөө амь нас, эрүүл мэндийг хамгаалах шаардлагатайг холбогдох байгууллагаас анхааруулж байгаа юм.

Н.Цэндбат