ӨДӨРТ 40 ХОС ГЭР БҮЛЭЭ БАТЛУУЛЖ, 10 ХОС САЛЖ БАЙНА

Улс орны нэгэн чухал бүрэлдэхүүн нэгж бол гэр бүл юм. Тэгвэл Гэрлэлт түүнтэй харьцах цуцлалтын тоо жил ирэх тусам нэмэгдэх боллоо. Монгол Улсын хэмжээнд тухайн тоо баримтаар өдөрт 10 гэр бүл гэрлэлтээ цуцлуулж, 40 хос гэрлэлтээ бүртгүүлдэг байна. Залуу гэр бүлүүдийн хувьд гэр бүлээ төлөвлөөгүй сэтгэл хөөрлөөрөө асуудалд хандсанаас болж харамсалтайгаар гэр бүлээ цуцлуулдаг байна.

Монгол Улсы хэмжээнд Гэрлэлтээ бүртгүүлж буй иргэдийн насны хувьд 20-29 насныхан 72% эзэлж байна. Гадаадад ажиллаж байгаа хүмүүсийн дийлэнх нь гэр бүлтэйгээ хамт амьдарч чадахгүй байна. Судалгаанд оролцсон өрхийн 1.8 хувь нь л гэр бүлээрээ, хүүхэд, садан төрлийнхөнтэйгөө хамтдаа амьдарч байна.

Залуу гэр бүл амьдрал ахуйгаа дээшлүүлэх, үр хүүхдийнхээ ирээдүйг баталгаатай болгох зорилгоор олноор гадаадад ажиллаж, амьдарч байгаагаас тусдаа амьдрах амьдралын хэв маяг элбэг болжээ. Гадаадад ажиллагчдын дундаж нас 31 ба гадаад шилжих хөдөлгөөнд эрэгтэйчүүд давамгайлж байна. Цуцлалтын тоо энэ байдлаар үргэлжлэх бол өдөрт гэр бүлээ батлуулж буй 40 хосын 10 нь эрсдэлтэйг тоо баримт сануулж байна. Тиймээс залуучууд гэр бүл төлөвлөлтөө зөв хийж, аль болох тусдаа амьдрахгүй байх нь гэр бүлийг элэг бүтэн байлгах үндэс болж байнаа.