КАТАЛОНЫ ЦАГДААГИЙН ДАРГЫГ БОСЛОГО ДЭМЖСЭН ХЭРЭГТ СЭЖИГЛЭН ШҮҮХЭД ДУУДЛАА

Испанийн Үндэсний Шүүхийн Зөвлөлөөс Каталоны Цагдаагийн газрын дарга Хосеп Луис Траперог бослогыг дэмжсэн хэрэгт сэжиглэн шүүхэд тайлбар өгөхийг шаарджээ. Хэрвээ түүнийг хууль зөрчин, бослого дэмжсэн хэмээн үзвэл 15 хүртэлх жилийн ял оноох юм байна. Испанийн төр засаг Каталонд болсон ард түмний санал асуулгыг зогсоохын тулд 10 мянган цагдаагаар хүч нэмэгдүүлэн, гэмгүй иргэдийн эсрэг хүч хэрэглэсэн явдал гарсан.

Траперогоос гадна Каталоны Цагдаагийн томоохон албан тушаалтан Тереза Лаплана, Каталоны Үндэсний ассамблейн ерөнхийлөгч Хорди Санчес, Omnium Cultural группын тэргүүн Хорди Куишарт нарыг мөн бослого дэмжсэн хэрэгт сэжиглэн шүүхэд дууджээ.

Испанийн Хаан Филипп VI Каталоны удирдлагыг "Хүлцэн тэвчихийн аргагүй үнэнч бус" хэмээн тодорхойлж, зурагтаар шууд мэдэгдэл хийсний дараагаар Каталоны тэргүүн Карлес Пучдемон "Энэ долоо хоногийн сүүлч юмуу, ирэх долоо хоногийн эхээр тусгаар тогтнолоо зарлана" гэж ВВС-д ярилцлага өгөхдөө дурьдсан билээ.

М.Болджин