УЛААН-ҮДЭД 15 НАСТАЙ ОХИН ХОЁР ХҮНИЙ АМИЙГ БҮРЭЛГЭЖЭЭ

ОХУ-ын Буриадын Улаан-Үд хотноо 15 болон 18 настай хоёр охин хүний амь бүрэлгэсэн хэргээр баривчлагджээ. Өнгөрсөн аравдугаар сарын 1-нд Улаан-Үд хотын голын эрэг дээр хоёр эмэгтэйн цогцос олдсон байна. Хэргийг шалгахад дунд сургуулийн 15 настай сурагч охин болон 18 настай ажилгүй бүсгүй хамтран энэ хэргийг үйлдсэн нь тогтоогджээ. Тэд танилындаа орох гэтэл "Эзэн нь байхгүй" гээд хаалга тайлаагүй тул ихэд хорсон бухимдаж, цонхыг нь хагалж ороод 58 настай согтуу эмэгтэйг зодож, улмаар голд живүүлж амийг нь бүрэлгэжээ. Хэргийн газар таван настай хүүхэд байсан тул хэргийн гэрч болно гэж үзээд хөнөөхөөр буцаж очтол 26 настай ээжтэй нь таарсан байна. Тэр эмэгтэйг ч гэсэн гэмт этгээдүүд голын эрэг дээр хүчээр аваачин, живүүлж хөнөөсөн аж. Азаар таван настай хүү амьд үлдэж, эмэгтэйг модоор эхлэн цохьсон этгээдийг 15 настай охин гэж заасан тухай мөрдөгч мэдээлжээ.

М.Болджин