ХАЛААСНЫ ХУЛГАЙН ГЭМТ ХЭРГЭЭС УРЬДЧИЛАН СЭРГИЙЛЭХ ЧИГЛЭЛЭЭР СУРАГЧДАД СУРГАЛТ ОРЛОО

Нийслэлийн цагдаагийн газрын Мөрдөн шалгах газрын халаасны хулгайн гэмт хэрэгтэй тэмцэх хэлтсээс "Илрүүлэлт-Оргодол" нэгдсэн арга хэмжээний хүрээнд Нийслэлийн Их дээд сургууль болон ерөнхий боловсролын сургуулиудад халаасны хулгайн гэмт хэргээс урьдчилан сэргийлэх, 2017 оны 07 дугаар сарын 01-ний өдрөөс хэрэгжиж эхэлсэн Эрүүгийн хууль, Зөрчлийн тухай хуулиудын талаар сургалт зохион байгуулан ажиллаж байна.

Арга хэмжээний хүрээнд 2017 оны 09 дүгээр сарын 29-ний өдөр Нийслэлийн Сүхбаатар дүүргийн Монгол 3-р сургуулийн 10, 11, 12-р ангийн багш сурагчдад дээрх сэдвээр сургалт зохион байгууллаа.

Тус сургалтын үр дүнд сурагчид гудамж талбай, нийтийн тээврийн хэрэгсэл, олон нийтийн газруудад явахдаа анхаарал болгоомжтой, сонор сэрэмжтэй явах, урьдчилан сэргийлэх, халаасны хулгайн гэмт хэргийн халдлагад өртсөн тохиолдолд хэнд хандах, хэрхэн яаж цагдаагийн байгууллагад өргөдөл, гомдол гаргах талаар эрх зүйн анхан шатны мэдэгдэхүүнтэй болсон юм.