УЯАЧДЫН ХОЛБООНЫХОН САЙНШАНДЫН ЦАГДААГИЙН ХЭЛТЭСТ БАЙЦААГДЖЭЭ

Монгол-Хятадын үйлдвэрлэгч, худалдаалагчдын экспо ес дүгээр сарын 23-27 ны өдрүүдэд болов. Энэхүү экспод Монголын талаас төрийн болон хувийн хэвшлийнхэн өргөн бүрэлдэхүүнтэй оролцсон аж. Монголын морин спорт уяачдын холбооноос 20 орчим хүний бүрэлдэхүүнтэй баг "Эрдэм транс" ХХК-ийн автобустай тус үзэсгэлэнг зорьжээ.

Тус холбоонынхон урьд шөнө буюу 9-р сарын 30-наас 10-р сарын нэгэнд шилжих шөнө Замын-Үүдээс Сайншандын чиглэлд зорчихдоо Сайншандын цагдаагийн хэлтэст дөрвөн цаг гаруй хугацаанд байцаагджээ. Учир нь Замын-Үүдээс Авто тээврийн үндэсний төвийн хэлтсийн дарга Д.Батбаяр гэгчийн охин нь уяачдын холбооны зорчиж явсан автобусанд дайгдсан байна. Ингэхдээ тухайн албан тушаалтаны охин тус автобусыг нэг цаг гаруй хүлээлгэж байгаад суусан гэж уяачдын холбоонынхон хэлэв. Ингээд Замын-Үүдээс Сайншандруу хөдлөөд явах замд охиныг уяачдын холбооныхон шоглож, хоргоож, өдөөд амар тайван явуулахгүй байсан. Тиймээс охин өөрийнхөө аав болох Д.Батбаярлуу утсаар залгаж нөхцөл байдлыг хэлсэн Зам тээврийн хөгжлийн дэд сайд С.Цогтгэрэл хэлэв. Харин Д.Батбаяр нь Авто тээврийн үндэсний төвийн хэсэг албаны хүмүүстэй шөнө Сайншандад очиж автобусыг зогсоохыг шаардаж цагдаагийн байгууллагат уяачдын холбооныхонг шалгуулахаар өргөдөл өгсөн гэнэ. Ингээд Сайншандын цагдаагийн байгууллага автобусанд явсан бүх хүмүүсээс байцаалт авч автобусыг дөрвөн цаг орчим саатуулжээ. Харин уяачдын холбоонынхоны дунд явсан Л.Цандэлэг твиттер хуудсандаа "Олон хүнтэй автобусыг 4 цаг зогсоогоод хятадад сурдаг охиныг билетгүй суулгадаг том дарга хэн бэ гэж жиргэсэн байна. Бид Л.Цандэлэгтэй холбогдож учир байдлыг тодруулахад охиныг оролдсон зүйл байхгүй, биднийг замдаа дуулж хуурдахад охин унтуулахгүй байна гэж ундууцаж уцаарлаж Авто тээврийн үндэсний төвд ажилладаг аавруугаа залгасан гэж тайлбарлав. Харин аав Д.Батбаяр нь хамт ажилладаг дарга нартайгаа согтуу ирсэн. Улаанбаатар хотод очиж байгаад биднийг гүтгэж байгаа энэ асуудлаар хууль хяналтын байгууллагат хандана гэв. Ямартаа ч уяачдын холбооныхон хөлчүүрхэж оюутан охиныг айлгаж асуудал үүсгэсэн үү, эсвэл АТҮТ-д ажилладаг дарга аавтай гэж охин дураараа авирласан уу гэдгийг хууль хяналтын байгууллагынхан тогтоох буй за.

undefined