​АВТОТЭЭВРИЙН САЛБАР ХӨГЖЛИЙН БОДЛОГЫН БАРИМТ БИЧГЭЭ БОЛОВСРУУЛЛАА

Дэлхий нийтийн хөгжлийн чиг хандлагатай уялдуулан Монгол Улсын эдийн засаг нийгмийн онцлогийг тусгасан, тулгарч буй гол сорилтуудыг даван туулах, тогтвортой хөгжлийн зорилго, хүний хөгжлийг хангахад чиглэсэн үндэсний урт хугацааны бодлого буюу "Монгол Улсын тогтвортой хөгжлийн үзэл баримтлал 2030"-ыг Улсын Их Хурлаас батлан гаргасан.

Дэлхий нийтээрээ даяарчлагдаж буй өнөө үед улс хоорондын эдийн засгийн хамтын ажиллагаа эрчимтэй хөгжиж, түүнд оролцох тээврийн салбарын үүрэг улам бүр нэмэгдэж байна.

Зах зээлийн эрэлтэд нийцсэн, өрсөлдөх чадвар бүхий тээврийн үйлчилгээ, менежментийг цогц байдлаар хөгжүүлэх, хүн ам, хүрээлэн буй орчинд ээлтэй, эдийн засгийн үр ашигтай, дэвшилтэд техник технологи, тээврийн төрөл, тээврийн ухаалаг систем, уян хатан нэгдсэн үнэ тарифыг нэвтрүүлэн аюулгүй, шуурхай, нэгдсэн үнэ тарифыг нэвтрүүлэн аюулгүй, шуурхай, нэгдсэн тээврийн үйлчилгээ үзүүлэх нь автотээврийн салбарын хөгжлийн үзэл баримтлал юм.

Зам, тээврийн хөгжлийн яам нь автотээврийн салбарын төрийн бодлого боловсруулах, дамжин өнгөрөх тээврийн эрх зүйн орчинг бүрдүүлэх, салбарыг хөгжүүлэх хөгжлийн бодлогын баримт бичиг боловсруулах, зохион байгуулахад шаардлагатай тээврийн салбарын хэтийн зорилго, зорилтод тулгуурласан урт, дунд, богино хугацаанд хэрэгжүүлэх судалгааны ажлын төлөвлөгөө боловсруулан "Автотээврийн үндэсний төв" ТӨҮГ-тай хамтран ажилладаг. Тус хамтын ажиллагааны хүрээнд "АТҮТ" ТӨҮГ нь 2017-2020 он хүртэлх Автотээврийн хөгжлийн бодлогын баримт бичиг боловсруулсан юм.

Бодлогын баримт бичгийг боловсруулахдаа Монгол Улсын "Хөгжлийн бодлого төлөвлөлтийн тухай" хуулийн зүйл, заалт, Монгол Улсын Хөгжлийн урт хугацааны бодлого 2015-2040, Монгол Улсын Тогтвортой хөгжлийн үзэл баримтлал 2030, ЗТХЯ-ны автотээврийн талаар төрөөс баримтлах бодлогын баримт бичиг 2018-2028 зэрэг бодлогын баримт бичгүүдтэй уялдуулан боловсруулжээ.

Тус хөгжлийн бодлогын баримт бичгийн талаарх хэлэлцүүлгийг 2017.09.27-ны өдөр зохион байгуулсан бөгөөд хэлэлцүүлэгт АТҮТ-ын удирдах зөвлөл, алба, хэлтэс, тасгийн дарга болон холбогдох мэргэжилтнүүд оролцсон юм.

Автотээврийн хөгжлийн бодлогын баримт бичгийг боловсруулснаар олон улсын автотээврийн салбарын хөгжилтэй мөр зэрэгцэн алс хэтийн өндөр хөгжилд суурилсан дэвшилтэт техник, технологийг нэвтрүүлэгч, мэргэшсэн мэргэжилтэн бүхий эвсэг бүтээлч хамт олон байж, улс орныхоо эрх ашиг болон хөгжил дэвшлийг тодорхойлогч байгууллага болох зорилготой гэдгийг хэлэлцүүлгийн үеэр онцоллоо.