"ХАРИЙН ГИЙЧИН" ГУРАВ ХОНОЛГҮЙ АМЬСГАЛ ХУРААЖЭЭ

Энэтхэгийн Уттар-Прадеш хотноо гурав хоногийн өмнө мэндэлсэн нярайг ердийн бус дүр төрхтэй болохоор нь нутгийн иргэд "Харийн гийчин" гэж нэрлээд байж. Гэвч нярай гурав ч хонолгүй амьсгал хураажээ. Ридли Скоттын бүтээл Alien киноны харь гаригийн гийчинтэй төстэй тул нярайг тийн адилтган нэрлэсэн гэнэ.

Нярай хамар, чихгүй байснаас гадна нүд нь аяганаасаа илт бүлтийж гарсан байжээ. Эхийнх нь өгүүлснээр бол нярай өвчин зовиургүй, уйлахгүй унтаад дахин сэрээгүй аж. Унтаад сэрээгүй болохоор эмчид ч үзүүлж амжаагүй юм байна. "Харийн гийчин" төрсөн гэх цуу яриа дуулсан нутгийн иргэд гэрийнх нь ойролцоогоос салахаа больсныг нярайн эцэг хэвлэлд ярьжээ.

М.Болджин