П.ОРХОН: ДАЙН ЮМ АА... ДУХ ХАВДААД, НҮД ХӨХРӨӨД, ЧИХ ХУГАРААД...

Чөлөөт бөхийн Дэлхийн аваргын алдрыг хүртэж монгол түмнээ баярлуулсан Пүрэвдоржийн Орхон олон нийтийн сүлжээндээ Цэргийн дэлхийн аварга шалгаруулах тэмцээнд оролцсон тухайгаа бичиж, мөн талархлын үгс тээжээ.

"Цэргийн дэлхийн аварга гэж нээрээ дайн юмаа. Байлдаад ирсэн хүн шиг л байна. Дух хавдаад, нүд хөхрөөд, чих хугараад.. Энэ жил амрах завгүй өнгөрөөж байна даа. Есөн тэмцээнд оролцоод найм дахь алтан медалиа авлаа. Батсол ХХК, Алдар Спорт Хороо, Аваргууд академийн хамт олондоо болон гэр бүл, найзууддаа баярлалаа.

Цэргийн дэлхийн аваргын зардлыг минь гаргасан Үндэсний Олимпийн Хороонд баярлалаа. Арын албанд байдаг Спортын Анагаах Ухааны албаны эмч нартаа, шигшээ багийн албаныхан, Холбооны удирдлагууд, ажилчиддаа, спортын сэтгүүлчид, телевиз сонин сайтын ажилчиддаа, спорт хайртай Монголчууддаа баярладаг шүү" гэж П.Орхон бичжээ.

Цэргийн ДАШТ-д П.Орхон жинд таван бөх тойргоор барилджээ. Тэрбээр хоёрдугаар тойрогт ДАШТ-ий мөнгөн медальт, БНХАУ-ын тамирчин Жиа Ли Пинд оноогоор ялагдсан ч Белорусь, АНУ, Украины бөхчүүдийг цэвэр ялж, түрүүлсэн байна.