60 НАСТАЙ ЛИНДА ХЭМИЛТОН "ТЕРМИНАТОР"-Т ДАХИН ТОГЛОНО

Нэрт кино найруулагч Жеймс Кэмерон "Терминатор"-ыг дахин бүтээх болсноор тус киноны эхний ангиудад гол дүрийг бүтээсэн Арнольд Шварценеггер болон Линда Хэмилтон нарыг дахин урьжээ.

Эдүгээ 60 настай Линда Хэмилтон "Терминатор"-ын Сара Коннорын дүрийг ийнхүү 33 жилийн дараагаар дахин бүтэхээр болоод байна. Гэхдээ энэ удаад Сара Коннор гол дүр бус туслах холбогч дүр байх гэнэ.

"Бид киноны гол дүрд тоглох ойролцоогоор 18 настай жүжигчин бүсгүйг эрж байгаа. Энэ ангид эдүгээ цаг болон ирээдүйгээс ирсэн баатрууд байх болно. Киноны ихэнх дүр шинэ. Гэхдээ Арнольд, Линдагийн бүтээсэн өмнөх дүрүүд түүхийг холбогчийн хувиар гарах юм" хэмээн Жеймс Кэмерон мэдэгджээ.

М.Болджин