КИМ ЧЕН УНЫГ ХӨЛБӨМБӨГЧӨӨР ТАЙВШРУУЛАХ АРГЫГ САНАЛ БОЛГОВ

Италийн сенатч Антонио Рацци БНАСАУ-ын залуу удирдагч Ким Чен Уныг тайшвруулж номхотгох нэгэн арга байгааг хэвлэлд өгүүлжээ. Түүний өгүүлснээр бол Италийн "Ювентус"-ын аргентин довтлогч Паоло Дибалаг Умард Солонгос руу зочноор илгээвэл бүх зүйл зөв гольдролдоо орох нигууртай гэнэ.

"Би хувьдаа Дибалаг Умард Солонгос руу түр хугацаагаар илгээчихмээр байна. Мөн түүний хамт Il Volo хамтлагийг явуулчихвал бүр сайн. Ким Чен Уныг би мэднэ ээ. Тэр спортод их дуртай, хөгжим их сонсдог хүн. Тэгэхээр "Ювентус"-ын од тэнд очвол Ким Чен Уны сэтгэл сэргэж, тайвшрах биз. Тэгээд ч тэнд Дибала очвол стадиондоо том дэлгэц тавьж, бүх ард түмнийх нь хувьд баяр болно" гэж Рацци өгүүлсэн байна.

Антонио Рацци хэдэн хоногийн өмнө Умард Солонгосын удирдагчийг Английн "Манчестер Юнайтед"-ын фанат гэж зарласан удаатай. Ким Чен Ун өсвөр насандаа Швейцарьт сурч байхдаа хөлбөмбөгт дуртай болсон гэнэ.

М.Болджин