ТРАМП ТҮҮХЭНД БАЙГААГҮЙ ХҮЧИРХЭГ АРМИ БАЙГУУЛНА ГЭЖ МЭДЭГДЭВ

АНУ-ын Ерөнхийлөгч Дональд Трамп НҮБ-ын Ерөнхий ассамблейд илтгэл тавихдаа түүхэнд байгаагүй хүчирхэг арми байгуулна гэж мэдэгджээ. "Мөдхөн манай арми түүхэнд байгаагүй хамгийн хүчирхэг арми болно" гэж тэрбээр хэлсэн байна. Батлан хамгаалах салбартаа үлэмж их хэмжээний хөрөнгө оруулалт хийснээр тэрхүү хүчирхэг армийг байгуулна гэжээ.

АНУ 2018 онд ойролцоогоор 700 тэрбум ам.долларын хөрөнгө оруулалтыг Зэвсэгт хүчнээ улам чанаржуулж, хүчирхэгжүүлэхэд зориулахаар болжээ.

Мөн Дональд Трамп бусад улсыг бус харин өөрийн улсынхаа аюулгүй байдлыг хамгийн түрүүнд бүрэн хангах ёстойг цохон тэмдэглэсэн байна.

"Ерөнхийлөгчийн хувиар би АНУ-ын ард иргэдийн ашиг сонирхол, аюулгүй байдлыг нэн тэргүүнд чухалчилна. Дэлхийн улс гүрнүүдийн удирдагчид ч гэсэн эхний ээлжинд өөрийн улс орноо гэх ёстой" хэмээн Трамп мэдэгджээ.

М.Болджин