АРХАНГАЙ АЙМАГ ХӨДӨӨ АЖ АХУЙН ШИЛДГҮҮДЭЭ ТОДРУУЛЖЭЭ

Архангай аймгийн цэцэрлэг хотноо "Архангай түншлэл – 2017" үзэсгэлэн худалдаа Архангай аймгийн Засаг даргын тамгын газар, Хүнс Хөдөө Аж Ахуйн газар хамтран зохион байгууллаа. Тус үзэсгэлэн худалдаанд Архангай аймгийн Эрдэнэбулган, Өндөр-улаан, Жаргалант, Хашаат, Тариат, Цэнхэр, Хайрхан, Ихтамир, Батцэнгэл, Өгийнуур, Булган, Цахир, Төвшрүүлэх, Хангай зэрэг 14 сум, Улаанбаатар хот болон Сэлэнгэ аймгаас нийт 122 аж ахуй нэгж, иргэд төмс хүнсний ногоо, жимс жимсгэнэ, сүү, сүүн бүтээгдэхүүн, гурилан бүтээгдэхүүн, модон эдлэл, бэлэн хувцас, гар урлалын бүтээгдэхүүн, гэр ахуйн цахилгаан бараа, эсгий ноосон бүтээгдэхүүн зэрэг 10 гаруй нэр төрлийн бүтээгдэхүүнийг худалдаалсан байна.

Үзэсгэлэн худалдаанд оролцсон бүтээгдэхүүнийг "Шилдгийн шилдэг бүтээгдэхүүний Гранпри, Хамгийн эрэлттэй бүтээгдэхүүн, Гар урлалын шилдэг бүтээгдэхүүн, Малын гаралтай түүхий эд, бүтээгдэхүүн, Сүү, сүүн бүтээгдэхүүн, Төмс, хүнсний ногоо, жимс жимсгэнэ, Гурил, гурилан бүтээгдэхүүн, Шинэлэг сав, баглаа боодолтой бүтээгдэхүүн, Хамгийн идэвхитэй, зохион байгуулалттай оролцсон сум зэргийг тодруулжээ. Хүнс, хөдөө аж ахуй, жижиг дунд үйлдвэрийн салбарын шилдгээр А. Баясгалан /Гэр ахуйн тавилга/, Х. Энхбаатар /Сүлжмэл бүтээгдэхүүн/, "Өлтийн голт" ХХК /Сурагчийн дүрэмт хувцас/, З. Эрдэнэчимэг /Цагаан идээ/, Н. Дэмбэрэл /Айраг, цагаан идээ/ зэргээр шалгарсан байна.

Мөн "Шилмэл мал 2017" үзэсгэлэн худалдаа болсон бөгөөд 7 сум 1 байгууллагын 15 малчны 79 толгой мал оролцож, үүнээс бог малын төрөлд 75 толгой мал, бод малын төрөлд 4 толгой мал үзэсгэлэнд оролцсон байна. Үзэсгэлэнд Шилмэл хээлтүүлэгч хуц, Шилмэт Хээлтэгч эм хонь, Шилмэл хээлтүүлэгч ухна, Шилмэлхээлтэгчэмямаа, Махны чиглэлийн үхэр зэрэг шилдэгүүдээ тодруулжээ.