23 НАСТАЙ МАХЧИН ЗАЛУУ ОЛНЫ НҮДНИЙ ӨМНӨ ХҮН ИДЖЭЭ

Өмнөд Африкийн Зүүн Кейпийн Маунт-Фрер хотод есдүгээр сарын 9-нд 23 настай Афив Мапекула хэмээх залуу олны нүдний өмнө 35 настай эмэгтэй Тембис Масумпаг хоолойг нь хэрчин хөнөөгөөд махыг нь идсэн аймшигт явдал гарчээ.

Гэр бүлийн хэрүүл зөрчлийн дуудлага авч цагдаа нар очтол ийм аймшигт явдал болсон гэнэ. Гудамжинд эмэгтэй хүний толгойг хэрчиж тасдаад идэж буй этгээд рүү цагдаа нар сануулга буудлага хийтэл өмнөөс хутга барин дайрсан тул махчингийн хөл, гарыг буудаж аюулгүй болгожээ. Гэмт этгээдийг эмнэлэгт хүргэснээс хойш гурав хоногийн дараа амьсгал хураасан байна.

Махчингийн ээж цагдаа нарыг дуудсанаа мэдэгдээд "Тэд муудалцах шиг л болсон. Бүсгүй гараад зугтаах гэтэл хүү араас нь барьж аваад хөнөөсөн. Би түүнийг ийм аймшигтай махчин болгож өсгөөгүй. Ийм аймшигтай явдлыг би төсөөлж ч чадахгүй байна" хэмээн уйлан ярьжээ.

23 настай Афив Мапекула нь их сургуульд сурч байгаад хар тамхины хэт хамааралтай болсон гэсэн шалтгаанаар хөөгдсөн байна. Түүний сэтгэцэд хар тамхи хүчтэй нөлөөлж, араатан болгосон гэж эмч нар дүгнэж буй ажээ.

М.Болджин