50 НАСТАЙ ЖАНЕТ ЖЕКСОН ТАВАН САРЫН ДОТОР 30 КГ ЖИН ХАСЧЭЭ

Нэрт дуучин Жанет Жексон нярайлснаасаа хойш найман сарын дараагаар Луизана мужийн Лафайетт хотноо тоглолтоо хийлээ. 50 настай дуучин өнгөрсөн оны нэгдүгээр сарын 3-нд нярайлж, хүү төрүүлсэн юм. Эйсс хэмээх нэр хайрласан хүүгээ гэдсэндээ тээхдээ Жанет Жексон хэвтрийн дэглэм барих ёстой болсон тул жин их нэмжээ. Гэлээ ч хүүгээ төрүүлснийхээ дараагаар жингээ хасахын тулд хоногт 15 цаг бэлтгэл дасгал хийсний дүнд ердөө таван сарын дараагаар 30 кг жин хасч, аялан тоглолтдоо бэлэн болсон аж.

Хэвлэлүүдийн мэдээлж буйгаар Жанет Жексон богино хугацаанд олон кг жин хассаны бас нэгэн шалтгаан нь нөхөр, Катарын тэрбумтан Виссам Аль Мантай гэр бүлээ цуцлуулах гээд сэтгэл тавгүй байгаатай нь холбоотой байж магадгүй гэнэ. Ямартай ч нэрт дуучин богино хугацаанд жингээ хасч аялан тоглолтдоо гарчээ.

М.Болджин