​ЗАМ ТАЛБАЙД ХУДАЛДАА ХИЙХ НЬ ХУУЛИАР ХОРИОТОЙ ГЭЖЭЭ

Баянгол дүүргийн 3,4-р хороолол болон Хархорин захын гадаа талбайд зөвшөөрөлгүй ил задгай худалдаа эрхэлж буй иргэдийг нүүлгэн шилжүүлж нийтийн эзэмшлийн зам талбайг чөлөөлсөн. Энэ дагуу худалдаа эрхлэгчид Баянгол дүүргийн Засаг Дарга С.Одонтуяа, Засаг Даргын орлогч Э.Батбилэг, Төрийн захиргаа удирдлагын хэлтсийн дарга Х.Мөнхзул нартай уулзсан байна. Худалдаа эрхлэгчид худалдаа үйлчилгээгээ хуучин байршилдаа хийх хүсэлтэй байгаагаа илэрхийлсэн бөгөөд нийтийн эзэмшлийн зам талбайд худалдаа хийхийг хуулиар хориглосон учир боломжгүй болохыг дүүргийн удирдлагууд тайлбарлалаа.

Харин Хорооллын Корал төв, Ачлал, Апекс төвүүд, Барс-2 захын нийт 155 лангууг хямд үнээр түрээслэх боломжтой байгааг дүүргийн Иргэдэд үйлчлэх төвөөс судалгаа хийж танилцуулсан байгаа.Тиймээс байршлаа сонгоод худалдаагаа хийх бүрэн боломжтой гэдгийг хэллээ. Түүнчлэн тухайн хүмүүсийн мэдлэг боловсролд тохирсон ажлын байруудыг санал болгож, ажил хийх хүсэлтэй худалдаа эрхлэгчдийг зуучлах боломжтой гэв.