ХЭТ ТУРАНХАЙ БҮСГҮЙЧҮҮДИЙГ ЗАГВАР ӨМСӨГЧӨӨР АВАХЫГ ХОРИГЛОВ

2017/09/13

Louis Vuitton, Givenchy, Gucci, Saint Laurent зэрэг загварын алдартай брэндүүдийг эзэмшигч Францын LVMH болон Kering концерноос хэт туранхай бүсгүйчүүдийг загвар өмсөгчийн ажилд авахыг хориглосон шийдвэр гаргажээ.

Бизнесийн хоёр том гигант ийнхүү хамтран шийдвэр гаргасан нь сүүлийн хэдэн жилийн судалгаагаар дэлхийд 30 сая бүсгүй зөвхөн загвар өмсөгч болохын тулд хоол, нойроо хасч зүтгэж буй нь тогтоогдсонтой холбоотой гэнэ.

Мөн Каролин Рестон, Изабель Каро, Хил Эльмалиах, Луисель Рамос, Элиана зэрэг загвар өмсөгчид хэт туранхай байх хүсэлдээ хөтлөгдөн донтож, анорекс болж амь насаа алдсан нь ч тус шийдвэрийг гаргах үндэс болжээ.

Эдгээр загвар өмсөгчдийн эмгэнэлт төгсгөлийн дараагаар Prada, Armani, Versace болон Викториа Бекхэм ч хэт туранхай загвар өмсөгчдөөс татгалзаж буйгаа албан ёсоор зарлаж байлаа. Харин энэ удаад тус шийдвэрт Францын загварын бизнесийн хоёр гигант нэгдлээ.

М.Болджин

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ