​ТЭЦ 4-ИЙН ХАШААНД ГАЛ ГАРЧЭЭ

ТЭЦ 4-ийн хашаанд гал гарчээ. Газар дээр нь Нийслэлийн таван гал унтраах анги ажиллаж байгаа юм байна. Албаны эх сурвалж ТЭЦ-4-ийн хашаанд подстанц шатаж байна гэсэн дуудлага 12:21 д ирсэн байна. Гал сөнөөгчид галын тархалтыг зогсоосон, галыг бүрэн унтраахаар ажиллаж байна гэх мэдээллийг өгсөн юм.

Энэ талаар ТЭЦ-4 ТӨХК-ийн Ерөнхий инженер Б.Дашдаваагаас тодруулахад "ТЭЦ-4 ТӨХК-ийн 3Т трансформаторын оруулга буудсаны улмаас гэмтэл гарсан. Шуурхай арга хэмжээ авч, одоогоор сэргээн засах ажлыг хийж байна. Үйл ажиллагааг хэвийн болгохоор ажилчид шуурхай ажиллаж байна. Гэмтлийн улмаас өөр бусад сүлжээнд гэмтэл гарсан асуудалгүй байхгүй. Одоо сэргээн засах ажиллагаа хийгдэж байна" гэсэн тайлбарыг өглөө.Одоогийн байдлаар галын дөлийг унтраасан бөгөөд галыг бүрэн унтраахаар НОБГ-ын Гал түймэр унтраах, аврах 18, 26, 14, 10, 30 дугаар ангий ажиллаж байгаа аж.