ТРАМПЫН ӨМНӨХ ЭХНЭРҮҮД ОЛНЫ ӨМНӨ ГАРАВ

АНУ-ын тэргүүн хатагтай Мелани Трамп эр нөхрийнхөө хамтаар төр засгийн айлчлалд оролцож явахад Дональд Трампын өмнөх эхнэрүүд загварын шоу үзэж сонирхсон нь олны нүдэнд өртөж, хэвлэлийнхний анхаарлыг татжээ.

68 настай Ивана Трамп болон 53 настай Марла Мейплз нар Нью-Йоркт нээгдсэн загварын шоуг үзэхээр хоёулаа очсон байна.

Ивана Трамп

Ивана ирвэсийн өнгө бүхий Roberto Cavalli-гийн пальтогоор гоёж, Dennis Basso-гийн загварын шоуг үзсэн бол Марла Мейплз бараг л сүйт бүсгүйгийн гэмээр цагаан даашинзаар гоёж, John Paul Ataker-ийн загварын шоуг сонирхжээ.

Марла Мейплз

Дональд Трамп 1977-1992 онд Иванатай хамтдаа амьдарч байсан бөгөөд тэд 39 настай Дональд Трамп, 35 настай Иванка, 33 настай Эрик хэмээх гурван хүүхэдтэй. Харин хоёрдахь эхнэр Марла Мейплзтэй 1993-1999 онд эхнэр нөхөр байсан бөгөөд тэд 23 настай Тиффани хэмээх охинтой юм.

М.Болджин