ХОТЫН ДАРГЫГ ХӨНӨӨЖ ЭЦГИЙНХЭЭ ӨШӨӨГ АВЧЭЭ

Бельгийн Мускрон хотын даргын амийг хөнөөсөн хэргийн мөрдөн шалгалт үргэлжилсээр байна. 57 мянган хүн амтай тус хотын дарга, 71 настай Альфред Гадены амийг хөнөөснөө 18 настай Натан Дюпоншель өөрөө хүлээж, цагдаа нараас зугталгүйгээр хэргээ хүлээсэн юм. Тэрбээр мэдүүлэгтээ хэргийн сэдлийг тайлбарлахдаа эцгийг нь ажлаас халсан тул хөнөөхөөр шийдсэн гэж хэлсэн байна.

Натаны эцэг Оливье Дюпоншель гал сөнөөгчөөр ажилладаг байсан бөгөөд хоёр жилийн өмнө Гадены тушаалаар ажлаасаа халагдсан аж. Ажилгүй болсон 50 настай Оливье Дюпоншель сэтгэл гутралд орж, улмаар судсаа ханаж амиа хорложээ.

Үүнээс хойш түүний хүү Натан эцгийнхээ өшөөг хотын даргаас авахаар өөртөө амласан байж. Ингээд есдүгээр сарын 11-ны 20 цагийн орчимд Альфред Гаденыг гэрийнх ойролцоо хоолойг нь хэрчин хөнөөсөн байна.

М.Болджин