ДАЛАЙ ЛАМ: БУДДА БОЛ МЬЯНМАГИЙН МУСУЛЬМАНЧУУДАД ТУСЛАХ БАЙСАН...

Далай лам: Будда бол Мьянмагийн мусульманчуудад туслах байсан...

Буддын шашины тэргүүн 14 дүгээр Далай лам Данзанжамц Мьянмад болж буй үйл явдлын талаар өөрийн үзэл бодлоо илэрхийлсэн нь дэлхий нийтийн анхаарлыг татлаа. Энэтхэгт Далай лам сэтгүүлчидтэй уулзалт хийх үеэрээ "Ийм хэцүү байдалд орсон ядарсан мусульманчуудад Будда бол тус болох байсан гэдгийг санах хэрэгтэй" хэмээн мэдэгджээ. Мөн болж буй үйл явдалд ихэд гашуудан эмзэглэж буйгаа илэрхийлсэн байна.

Мьянмад 1.1 сая рохинжа үндэстэн амьдардаг. Энэ үндэстнийг Бангладешаас ирсэн цагаачид гэж гадуурхдаг бол тэд өөрсдийгөө Мьянмагийн үндсэн иргэд гэж тодорхойлдог юм. Рохинжа үндэстнүүд нь мусульман шашинтай.

Өнгөрсөн наймдугаар сарын 25-наас эхлэн рохинжануудын эсрэг дайн зарлаж, улмаар 300 мянга гаруй рохинжа эх орноосоо дүрвэн Бангладешт очоод байгаа юм.

Саудын Арабаас эдийн засаг болоод зэр зэвсгийн туслалцаа авсан Рохинжагийн дайчид есдүгээр сарын 9-нд эвийн гэрээ байгуулахыг Мьянмагийн төр засагт санал болгосон. Гэвч "Алан хядагчидтай бид гэрээ хэлэлцээр хийхгүй" хэмээх хариу хүртсэн юм.

М.Болджин