МУТАНТАД ДУРЛАСАН ЭМЭГТЭЙ "АЛТАН АРСЛАН"-Г АВЧ ОДОВ

Венецийн кино наадмын дээд шагнал "Алтан арслан"-г Мексикийн найруулагч Гильермо Дель Торогийн бүтээл The Shape of Water хүртлээ. Тус киноны үйл явдал 1963 онд өрнөдөг. Эрдэм шинжилгээ туршилтын газрын дүлий цэвэрлэгч эмэгтэй тус газрын шинэ "бүтээл" мутантад дурлаж, улмаар зугтахад нь тус болж буй талаар кинонд өгүүлдэг аж.

Гилльермо Дель Торо "Алтан арслан"-тайгаа...

Харин шүүгчдийн нэрэмжит шагналыг Израиль, Франц, Германы хамтын бүтээл, найруулагч Самуэль Маозын Foxtrot, Австралийн найруулагч Уорвик Торнтоны Sweet Country тус тус хүртлээ.

Шилдэг эмэгтэй гол дүрээр Итали, Франц, Бельгийн хамтарсан Hannah киноны гол дүрийг бүтээсэн 71 настай Шарлотта Рэмплинг шалгарсан байна. Тэгвэл шилдэг эрэгтэй гол дүрийн шагналыг АНУ, Бельги, Франц, Ливан, Киприйн хамтарсан бүтээл L'insulte-д тоглосон Камел Эль Башад олгожээ.

М.Болджин