ЯДАРСАН МАДОННАГ ХАРААД ТАНИАГҮЙ ТУЛ ИЛГЭЭМЖИЙГ НЬ ӨГӨХӨӨС ТАТГАЛЗЖЭЭ

59 настай нэрт дуучин Мадонна хүү Давид Бандагаа Португалын хөлбөмбөгийн клубын академид өгсөн тул байсхийгээд л тийшээ нисэх болсон байна. Америкаас Португал руу өөрийн эд зүйлсээ илгээмжээр явуулсан Мадоннатай нэгэн хөгжилтэй мөн бухимдалтай үйл явдал тохиолджээ.

Мадоннад илгээмжийг нь өгөхөөр ирсэн FedEx-ийн ажилтан түүнийг таниагүй, өөр хүн байна гэж бодсон тул илгээмжийг нь өгөлгүй буцаан авч оджээ. Үүнд уурласан Мадонна олон нийтийн сүлжээндээ "FedEx-ийнхэнтэй бараг долоо хоног маргалдлаа. Өөрийгөө Мадонна гэдгийг нотлох гэж тэр шүү дээ. Гэвч тэд одоо хүртэл надад илгээмжийг минь өгсөнгүй" гэж бичжээ.

Үүний дараагаар FedEx-ийн ажилтан энэ зурвасынх нь дор "Та үнэхээр Мадонна юм бол хаяг, утасны дугаараа биччих" гэж шаарджээ. Олон нийтийн сүлжээнд "Тэр нэг илгээмжийг нь зүгээр өгчихөөч. Эсвэл утасных нь дугаарыг өөр шалтгаанаар авах гээд байгаа юмуу?" гэх мэтээр янз бүрийн тайлбар бичжээ.

Ямартай ч ядарсан царайтай Мадоннаг нэрт дуучныг гэдэгт итгээгүй FedEx-ийнхэн илгээмжийг нь өгөхгүй "гүрийсээр" байгаа сурагтай.

М.Болджин