КЕНДАЛЛ ЖЕННЕР МАШ ХАТУУ ХООЛНЫ ДЭГЛЭМ БАРЬЖ БАЙНА​

Загварын ертөнцийн дагина болоод буй 21 настай Кендалл Женнер зураг авалтуудад ээлжлэн орж, улам зоригтой алхмууд хийх болсон. Түүний нарийхан бэлхүүс, бие галбир, урт тэгшхэн хөлийг шүтэн бишрэгчид улам нэмэгдсээр байгаа. Гэвч Radar Online-ий мэдээлснээр бол Кендалл галбираа хадгалахын тулд хоолны хатуу дэглэм барьдаг тулд эрүүл мэндэд сөргөөр нөлөөлөх болсон гэнэ.

Radar Online-ийн бичснээр бол Женнер өдөр ганц жижигхэн порц л хүнс хэрэглэдэг болж. Энэ нь ердөө 500 калорийн л илчлэгтэй юм байна.

"Гэр бүл болон найз нөхөд нь түүнд их санаа зовох болсон. Тэр бусдын адил жирийн хоол хүнс хэрэглэдэггүй. Өдөртэй маш өчүүхэн жаахан хүнс л хэрэглэнэ. Тэр нь ихэвчлэн самар, жимс төдийхөн. Хоолны дуршлаа даван туулахын тулд байнга шахуу кофе юмуу энергийн ундаа хэрэглэдэг" хэмээн Кендалл Женнерийн ойрын гэх эх сурвалж мэдээлжээ.

М.Болджин