​ЗАМ ТЭЭВРИЙН ОСЛООР 10 ХҮН ГЭМТСЭНИЙ 6 НЬ БАГА НАСНЫ ХҮҮХЭД БАЙВ

2017 оны 9-р сарын 06-ны Лхагва гарагт Цагдаагийн байгууллагаас гудамж замд хийсэн хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон нийт 47 жолоочийг илрүүлэн саатуулж, хуулийн дагуу хариуцлага тооцон ажилласан байна.

Тухайн өдөр Замын цагдаагийн албаны ЖШУХ нийт 393 дуудлага, мэдээ мэдээлэл хүлээн авснаас, зам тээврийн ослын 330 дуудлага бүртгэгдсэн бөгөөд осол, хэргийн улмаас нийт 10 хүн гэмтэж бэртсэнээс 6 нь бага насны хүүхэд байсан бөгөөд бүгд явган зорчигч хэлбэрээр замын хөдөлгөөнд оролцож байх үедээ зам тээврийн осолд өөртөж гэмтэж бэртсэн байна.

Бүртгэгдсэн осол, хэргийг гарсан хэлбэрээр нь авч үзвэл явган зорчигч мөргөж гэмтээсэн 5 ослын улмаас 9 хүн хүнд хөнгөн байдлаар гэмтэж, мөргөлдөх хэлбэрээр 5 осол тус тус бүртгэдсэнийг шалгаж байна.

Тухайлбал, Баянзүрх дүүргийн нутаг Д.Нянтайсүрэнгийн гудамж Улаанхуарангийн замд V.touareg маркийн автомашины жолооч Б нь явган зорчигч 26 настай М, 4 настай С, 2 настай С, 7 сартай С нарын 4 хүнийг мөргөж гэмтээсэн байна. Хэргийг Замын цагдаагийн албаны Мөрдөн шалгах хэлтэст шалгаж байгаа аж. Тиймээс замын цагдаагийн албанаас иргэдэд таны хүүхэд замын хөдөлгөөнд буруу оролцсоноороо амь нас, эрүүл мэндээрээ хохирох эрсдэлтэй гэдгийг байнга санаарай, хүүхдийн ирээдүйн төлөө хүүхэд олноор замын хөдөлгөөнд оролдог газруудад хурдаа хасч байхыг анхаарууллаа.

Б.Ирээдүй