​Ц.МӨНХНАСАН ЗАСАГ ДАРГЫН ДААЛГАВРААР СУМДУУД АЖЛЫН ХЭСЭГ БАЙГУУЛЖЭЭ

Архангай аймагт хуш модны самар их ургадаг байна. Тиймээс самрын ургац арвин байх үед нутгийн иргэд ч самар түүж ашиг орлогоо нэмэгдүүлдэг аж. Иргэд ийнхүү самар түүхдээ болц гүйцээгүй байхад нь түүж, хуш модыг гэмтээх явдал гардаг бөгөөд энэ нь байгальд их хэмжээний хохирол учруулдаг байна. Тиймээс Аймгийн засаг дарга Ц.Мөнхнасан хуш модны самрыг болц гүйцэхээс өмнө хууль бусаар түүж бэлтгэх, худалдах, худалдан авахаас урьдчилан сэргийлэх, ой хээрийн түймрээс урьдчилан сэргийлэх, аялал жуулчлал ихэссэнтэй холбогдуулан төвлөрсөн хог хаягдлыг татан зайлуулах ажлуудыг хэрэгжүүлж ажиллахыг сумдын ИТХ-ын дарга, Засаг дарга, ЗДТГ-ын дарга нарт үүрэг болгож албан даалгавар хүргүүлсэн билээ. Аймгийн засаг даргын албан даалгаврыг хүлээн авсан сумдын дарга нар аймгийн засаг даргын үүрэг даалгаврыг биелүүлэх ажлын хэсэг байгуулан ажиллаж байгаа аж.

Албан даалгаврыг хэрэгжүүлэх ажлын хэсгийг аймгийн Засаг даргын орлогч Б.Болормаа ахлан нийт арван хүний бүрэлдэхүүнтэй байгуулсан байна. Албан даалгаварт тусгагдсан ажлын хүрээнд аймгийн ЗДТГ, БОАЖГ, МХГ, ОБГ, Цагдаагийн газар, Орхон Чулуут голын сав газрын захиргаатай хамтарч сумдын ИТХ-ын дарга, Засаг дараг, ЗДТГ-ын дарга нарт байгаль орчны эсрэг гэмт хэргээс урьдчилан сэргийлэх, самар байгалийн дагалт баялгийг зохистой ашиглахад хэрхэн анхаарах, усны аюулгүй байдал, хог хаягдлын талаарх хууль тогтоомжийн хүрээнд мэдээлэл өгөх сургалт зохион байгууллаа.

Байгаль орчны талаар авах зарим арга хэмжээг авчЫ хэрэгжүүлэх албан даалгаврын хүрээнд иргэдээс мэдээлэл авах нээлттэй утас ажиллуулах, холбогдох хууль тогтоомжийг сурталчлах, хөдөлгөөнт эргүүл ажиллуулах зэрэг ажлуудын төлөвлөжээ. Аймгийн засаг дарга Ц.Мөнхнасан нутгийн иргэддээ түүхий самар түүж мод бут хугалах, хог хаях зэрэг асуудлыг гаргахгүй болсон үед нь түүж хэрэглэж, худалдаалахыг уриаллаа.