​БҮЛЭГ ДЭЭРЭМЧИД ҮЙЛДЭЛ ДЭЭРЭЭ БАРИГДЖЭЭ

Цагдаагийн байгууллагад бүлэг дээрмийн хэрэг ихээр бүртгэгдэх болсон байна. Баянзүрх дүүргийн 17 дугаар хороо, "79-р сургуулийн урд 2 залуу намайг дагаад байна" гэсэн мэдээлэл цагдаагийн байгууллагад ирсэн байна. Мэдээллийн дагуу машинт эргүүлийн алба хаагчид шуурхай шалгаж Хэнтий аймгийн харьяат Г-г гэртээ харихаар явж байхад нь Говь-Алтай аймаг Чандмань сумын харьяат Ч, Өвөрхангай аймаг Хархорин сумын харьяат Ч нар бүлэглэн араас нь боож унагаад нүүр рүү нь цохиж хэтэвчтэй бэлэн мөнгө, "Samsung S-5" гар утсыг нь дээрэмдсэн үйлдлийг газар дээр нь илрүүлсэн байна. Уг хэргийг одоо харъяа цагдаагийн хэлтэст шалгаж байгаа талаар НЦГ цахим хуудсаараа дамжуулан мэдээллээ.

Б.Ирээдүй