42 НАСТАЙ ГИМНАСТИКЧ НАЙМ ДАХЬ ОЛИМПДОО БЭЛДЭЖ ЭХЛЭВ

2017/09/05

Узбекистаны 42 настай гимнастикч Оксана Чусовитина 2020 оны Токиогийн олимпийн наадамд оролцохоор бэлтгэлээ базааж эхэлжээ. 1992 оны олимпийн аварга түүний хувьд Токиогийн олимп найм дахь олимп нь болох юм.

Есдүгээр сарын 27-нд Канадын Монреальд гимнастикийн Дэлхийн аварга шалгаруулах тэмцээн эхэлнэ. 42 настай гимнастикч олимпийн бэлтгэл болгон тус тэмцээнд оролцох юм байна.

"Токиогийн олимпийн наадамд оролцохоор шийдсэн тул би энэ удаагийн ДАШТ-д оролцох болно. Алхам алхмаар би зорилгодоо дөхнө. Мөрөөдлөө амьдрал дээр хэрэгжүүлэхийн тулд чадах бүхнээ хийнэ. Хэрвээ ингэж зүтгэхгүй бол хожим харамсах болно" гэж Чусовитина өгүүлжээ.

Оксана Чусовитина олимпийн долоон наадамд оролцсоноороо Гиннесийн номд бичигдсэн тамирчин юм. Тэрбээр Риогийн олимпийн наадамд долдугаар байр эзэлсэн. 1992 оны олимпийн аваргаас гадна 2008 оны Бээжингийн олимпийн мөнгөн медальтай ажээ.

М.Болджин

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ