СИ ЗИНЬПИН ПУТИНД ЛЕРМОНТОВЫН ШҮЛГИЙГ САНУУЛАВ

Өмнөд хөршийн Сямэнь хотноо болж буй БРИКС-ийн дээд хэмжээний уулзалтын үеэр ОХУ-ын Ерөнхийлөгч Владимир Путин, БНХАУ-ын удирдагч Си Зиньпин нар уулзаж, Москва дахь уулзалтаар тохирсон асуудлуудаа хэрхэн хэрэгжүүлэх талаар ярилцжээ.

"Өнгөрсөн долдугаар сард Москвад уулзахдаа бидний хамтран гаргасан төлөвлөгөөг хэрхэн хэрэгжүүлэх боломжийн талаар тантай ярилцаж буйдаа би их баяртай байна" гэж Владимир Путин өмнөд хөршийн удирдагчид хэлжээ.

Харин Сямэнь хотын их сургуулийн ойролцоо Оросын нэрт яруу найрагч Михаил Лермонтовын шүлэг байдаг талаар Син Зиньпин дурьдсан байна. Лермонтовын тэрхүү хөшөөний чанх эсрэг талд Хятадын сэтгэгч Күнзийн хөшөө мөн байрладаг ажээ. "Энэ бол Орос болон Хятад улс хэн хэнийхээ соёл өвийг ихэд хүндэлдгийн тод жишээ юм" гэж Си Зиньпин өгүүлжээ.

Мөн Си Зиньпин Михаил Лермонтовын алдартай "Далбаа" шүлгийг эргэн дурсаж, тэрхүү шүлэгт тууштай тэмцэж, шаргуу зүтгэсний үрээр амжилтад хүрдэг тухай өгүүлснийг дурьдсан байна. "Манай хоёр улсын хамтарсан хөлөг онгоц далбаагаа бүрэн дэлгэж хүчтэй урагшилна гэдэгт найдаж байна" хэмээн Си Зиньпин тус шүлгээс жишээ аван өгүүлжээ.

Та бүхэнд Михаил Лермонтовын "Далбаа" шүлгийг Ардын уран зохиолч Ц.Дамдинсүрэнгийн орчуулснаар хүргэе.

Далбаа

Хөх далайн цэнхэр мананд

Хөлгийн далбаа ганцаар цайрч

Ахуй нутгаа юунд орхиж

Алс газар юуг эрэв?

Аливаа жаргалыг эрэх нь биш

Амар жаргалаас зугтаах нь биш

Салхи эсгэрч долгио наадахад

Сайхан шураг нь чихран найгана.

Ариун урсгал дор нь мяралзаж

Алтан нар дээр нь гийхэд

Догшин салхинаас өмрыг олох мэт

Довтлох далбаа шуургыг зүснэ.

М.Болджин