ДИАНА ГҮНЖИЙН СҮҮЛЧИЙН ҮГ

20 жилийн өмнө Их Британийн гүнж Диана Парис хотноо авто ослоор нас барж, дэлхий дахин эмгэнэн гашуудсан. Папараццчдаас холдох гэсэн машин хонгилын багана мөргөж, энэ эмгэнэлт үйл явдал болсон юм. Тэгвэл тэрхүү явдлаас 20 жилийн дараа тухай ослын дуудлагаар очсон аврах албаны ажилтан Ксавье Гурмело ийн дурсан ярьжээ.

"Эхэндээ би тэр эмэгтэйг гүнж Диана гэж таниагүй. Арын суудлын шал дээр хэвтэж байсан. Бага зэрэг хөдөлж байсан болохоор нь би түүнийг амьд гэдгийг мэдсэн юм. Баруун мөрөндөө шархтай байснаас өөрөөр нүүр ам, бие хаа нь огт шархтай харагдаагүй. Биед нь нэг ч дусал цус үсрээгүй байсан.

Би түүнийг тэврээд, аль болох тайван байхыг сануулсан. Тэр надад "Бурхан минь, юу болоо вэ?" гэж хэлсэн. Бага зэрэг хүчилтөрөгч өгч, дараа нь машинаас бид гаргасан. Бид бүгдээрээ эмнэлгийн анхан шатны тусламжийн мэдлэгтэй болохоор зүрхэнд нь массаж хийсэн. Нэг хэсэг зүрх нь зогссоноо массажны дараагаар дахин цохилж эхэлсэн. Тэгэхэд миний санаа амарч, ил шархгүй болохоор эдгэчих байх, ямар ч байсан үхэхгүй гэж бодсон. Тэгээд түргэн тусламжийн тэрэг ирээд аваад явахад Диана амьд байсан. Гэвч эмнэлэгт очоод нас барсныг нь хожим дуулсан" хэмээн Гурмело өгүүлжээ.

Авто ослын шалтгааны талаар олон таамаг бий. Жолооч нь согтууруулах ундаа хэтрүүлэн хэрэглэсэн байсан гэх юмуу эсвэл хурд хэтрүүлсэн гэх таамаглал түлхүү дурьдагддаг. Мөн мотоциклтой папараццчид элдэж хөөж, хажуунаас гэнэт дайрах үед жолооч цаашаагаа жолоогоо дарснаас осол гарсан ч гэж зарим нь дүгнэдэг юм.

М.Болджин