СЕКСИЙН ҮЕЭР ЭРЧҮҮДИЙН НАС БАРДАГ ШАЛТГААНЫГ ТОГТООЖЭЭ

Жорж Помпидугийн нэрэмжит Европын эмнэлгийн судлаачид сексийн үеэр эрчүүд нас бардгийн гол учир шалтгааныг олсноо зарлажээ. Тэдний олж тогтоосноор бол энгэр зөрүүлж буй хамтрагч нь ичиж нэрэлхсэнээсээ болоод тэр даруй түргэн тусламж дууддаггүйгээс эрчүүдийг аврах боломж байдаггүй гэнэ.

Жилдээ дунджаар дэлхийд сексийн үеэр 50 мянган хүн нас бардаг гэсэн тооцоо байдаг. Судлаачид зүрх нь зогссон 3028 тохиолдлыг хянаж үзэхэд 246 нь биеийн идэвхтэй хөдөлгөөний үед тохиолджээ. Эдгээр 246 тохиолдлын 17 нь сексийн үеэр байж таарчээ. Мөн сексийн үеэр зүрх зогсох аюултай тулгарсан найман тохиолдлын нэгд нь л амьд үлдэж, бусдад нь амьсгал хураадаг гэсэн дундаж дүн гарсан гэнэ. Гэтэл сексээс бусад идэвхтэй хөдөлгөөний үеэр зүрх гэнэт зогсох аюул тулгарахад яг тэн хасаг буюу 50 хувьд нь амьд үлдэж чадсан байдаг аж.

Үүнээс үндэслэн сексийн үеэр хамтрагчийнх нь бие гэнэт муудахад эмэгтэйчүүд айж балмагдах юмуу ичиж нэрэлхэх байдлаасаа шалтгаалан цаг алдаж, түргэн тусламжийг энгийн үеийнхээсээ хоёр дахин урт хугацааны дараагаар дууддагийг судлаачид тогтоосон байна. Гэтэл зүрх зогсох аюулд өртсөн хүний хувьд нэг минут гэдэг амьд үлдэх боломжийг нь 10 хувиар багасгадаг аж.

М.Болджин