ТӨРИЙН АЛБАН ХААГЧИД БОЛОН ТҮЦ ЭРХЛЭГЧДИЙН ДУНД МАРГААН ҮҮСЭЭД БАЙНА

Багшийн дээд дээр үйл ажиллагаа явуулдаг түц эрхлэгчид, гар дээрээс худалдаа эрхлэгч иргэдийн үйл ажиллагааг зогсоох, бараа бүтээгдэхүүнийг нь мэргэжлийн хяналт, цагдаагийн байгууллага хамтран хураан авч байгаа тухай мэдээлэл ирсэн юм. Мэдээллийн дагуу очиход төрийн байгууллага, иргэдийн дунд үл ойлголцол үүсч, эмх замбараагүй байдал бий болсон байлаа. Иргэдийн хувьд бид юу хийж амьдрах юм. Ажлын байр хаана байна гэх мэт шаардлагыг албаны хүмүүст тавьж байв. Харин албаны хүмүүсийн хэлж байгаагаар гар дээрээс хүнсний бүтээгдэхүүний худалдаа эрхэлдэг иргэдэд эрүүл ахуйн, ариун цэврийн шаардлага хангаж ажиллахыг удаа дараа шаардаж байгаа ч ерөөсөө тоодоггүй. Тиймээс үйл ажиллагааг нь зогсоох арга хэмжээ авч байгаа гэх тайлбарыг хийж байгаа юм. Бид тун удахгүй, хоёр талын байр суурийг үзэгч та бүхэндээ хүргэх болно.