ФЕЛПС МАКГРЕГОРЫГ ДУЭЛЬД ДУУДАВ

Олимпийн наадмын 23 удаагийн аварга, АНУ-ын домогт усанд сэлэгч Майкл Фелпс ирланд тулаанч Конор Макгрегорыг дуэльд дууджээ. Хэдхэн хоногийн өмнө мэргэжлийн боксын рингэнд 49 тулаан хийхдээ нэг ч ялагдал амсаж үзээгүй Флойд Мейвезертэй Конор Макгрегор боксоор өрсөлдөж, 10 дугаар раундад техникийн нокаутаар ялагдал хүлээсэн.

Мэргэжлийн боксын анхан шатны тэмцээнд ч орж яваагүй тулаанч дэлхийн аваргатай бүтэн 10 раунд тулалдаж чадсан нь гавьяа гэж мэргэжилтнүүд дүгнэсэн.

Тэгвэл Майкл Фелпс дэлхий даяар сонирхсон тус тулааны дараагаар "Энэ бүх яриа бужигнаан...Хоёулаа усанд сэлэлтээр одоо өрсөлдөх үү?" гээд твиттертээ Конор Макгрегорын эсрэг харж зогсоо зурагаа оруулсан юм. Одоогоор олимпийн домогт тамирчны дуудлагыг Конор Макгрегор хүлээн авах эсэх нь тодорхойгүй байна.

Флойд Мейвезертэй хийсэн тулааны дараагаар Конор Макгрегорыг эмч нар ойрын зургаан сар бүтэн амарч, ойрын хоёр сардаа тулааны бэлтгэл хийх хэрэггүй гэж зөвлөсөн ажээ.

М.Болджин