ХОЙД СОЛОНГОСЫН ПУУЖИН ЯПОНЫ НУТАГ ДЭВСГЭР ДЭЭГҮҮР НИСЧЭЭ

Мягмар гаригийн үүрээр Хойд Солонгос пуужингийн ээлжит туршилтаа хийжээ. Энэ удаад харвасан пуужин Японы хойд нутаг Хоккайдо арал дээгүүр нисч Номхон далайд унасан гэнэ. Хэдийгээр нутаг дэвсгэр дээгүүр нь өөр улсын пуужин ниссэн ч гэсэн Японы зэвсэгт хүчин пуужинг устгахыг эрмэлзээгүй юм байна. NHK-гийн мэдээлснээр пуужин Японы нутаг дэвсгэрт ямар ч хор уршиг тарихааргүй чиглэлд ниссэн тул замаас нь устгахыг зориогүй ажээ.

Гэвч Японы Засгийн газрын Ерөнхий нарийн бичгийн дарга Ёшихидэ Суга тус явдлыг "Байж болшгүй" хэмээн тодорхойлоод цаашид Хойд Солонгосын пуужин улсынх нь нутаг дэвсгэр дээгүүр нисч өнгөрөх ёсгүйг хатуу сануулж, тодорхой алхам гарцаагүй хийнэ гэдгээ мэдэгджээ.

М.Болджин