ЛИПНИЦКАЯ: ТА НАРЫГ БАЯРЛУУЛАХЫН ТУЛД БИ НАСААРАА 37 КГ ЖИНТЭЙ БАЙХ УУ?

Олимпийн аварга уран гулгагч Юлия Липницкая 19 насандаа их спортоо орхиж буйгаа албан ёсоор зарлалаа. Сочигийн олимпийн од Юлия Липницкая спортын дэглэм хэт барьж, хэт турсан тул анорекстой болж, улмаар цаашид тэмцээнд оролцох боломжгүй болсон байна.

"Өнгөрсөн дөрөвдүгээр сард Липницкая анорексийн эсрэг курс эмчилгээ гурван сарын турш хийлгэсэн. Тэр одоо зөвхөн олимпийн медальтны урамшуулал мөнгөөр л амьдардаг. Холбооноос түүнд цалин өгдөггүй. Уг нь шигшээ багийн тамирчдын тоонд нэр нь байгаа" гэж Липницкаягийн ээж хэвлэлд мэдээлжээ.

Харин Липницкая өөрөө олон нийтийн сүлжээнд "Бүгдэд хандаж хэлье. Жирэмсэн болсон зүйл надад байхгүй. Хүн чанартай бай л даа. Би та бүхнийг баярлуулахын тулд насан туршдаа 37 кг жинтэй явах юм уу? Хангалттай турж эцлээ. Одоо болоо" гэж бичжээ.

М.Болджин