М.УРАНЦЭЦЭГ МӨНГӨ, Г.БОЛДБААТАР, Г.ОТГОНЦЭЦЭГ НАР ХҮРЭЛ МЕДАЛЬ ХҮРТЛЭЭ

Жүдо бөхийн Дэлхийн аварга шалгаруулах тэмцээн Унгарын нийслэл Будапештад өчигдөр эхэлж, эхний өдөр эрэгтэйчүүдийн 60 кг, эмэгтэйчүүдийн 48 кг-ын жин барилдаан боллоо.

Дэлхийн аварга М.Уранцэцэг өрсөлдөгчдөө ялсаар аваргын төлөөх барилдаанд шалгарч, Японы Фүна Тонакид ялагдсанаар мөнгөн медаль хүртлээ. Мөн жинд Казахстаны нэрийн өмнөөс манай жүдоч Г.Отгонцэцэг барилдаж хүрэл медаль хүртэв.

Эрэгтэйчүүдийн 60 кг-ын жинд дэлхийн аварга Г.Болдбаатар аргагүй чансаатай жүдоч гэдгээ дахин нотолж хүрэл медаль хүртлээ. Ийнхүү жүдогийн ДАШТ-ий эхний өдөр медалийн тавцанд нийт найман бөх гарсны гурав нь монгол жүдочид байлаа.

Эхний өдрийн медальтнууд:

Эрэгтэй. 60 кг.

• 1.Наохиса Такато /Япон/
• 2.Орхан Сафаров /Азербайжан/
• 3.Диербек Урозбоев /Узбекистан/
• 4.Г.Болдбаатар /Монгол/

Эмэгтэй 48 кг.

• 1.Фүна Тонаки /Япон/
• 2.М.Уранцэцэг /Монгол/
• 3.Ами Кондо /Япон/
• 4.Г.Отгонцэцэг /Казахстан/

М.Болджин