15 ЭРД ХҮЧИНДҮҮЛСЭН ГЭХ ЭМЭГТЭЙД 10 ЖИЛИЙН ЯЛ ОНООВ

Их Британийн шүүх 25 настай Жемма Билд 10 жилийн ял оноосон явдал олны анхаарлыг гойд татлаа. Ижил хүйстнээ сонирхогч энэ бүсгүй нийтдээ дөрвөн удаагийн тохиолдлоор 15 эрд хүчиндүүлсэн гэх нэхэмжлэл гаргаж, шүүхэд хандсан ажээ. Гэвч энэ бүхэн зохиомол хэрэг байсныг шүүхээс нотолсон байна.

2010 оны арваннэгдүгээр сард Жемма Бил Сомалигаас цагаачилж ирсэн Махад Кассим хэмээх эрд хүчиндүүлсэн гэж эхний нэхэмжлэлээ гаргасан байна. Шүүх хэргийг хянаж үзээд Кассимд долоон жилийн ял оноожээ.

"Ял авч буй эрчүүдийг хараад би надад оногдсон гашуун тавилангийн хаана нь ч хүрэхгүй гэж боддог ч гэсэн сэтгэл тайвширдаг байсан" гэж Жемма Бил ярьсан байна. Ийнхүү Кассимыг зохиомол хэрэгт унагаж, долоон жилийн ялын тогтоол уншуулснаас хоёр жил арван сар суугаад гарчээ. Мөн Кассимаас хохиролд 14 мянган ам.доллар авсан байна.

Үүний дараагаар гурван ч удаа эрчүүдэд хүчиндүүлсэн хэмээн нэхэмжлэл гаргасан нь цагдаа нарын анхаарлыг татаж, өөрийг нь хянаж шалгах сэжүүр болж өгчээ. Жемма Бил шөнийн цэнгээний газар ууж хөлчүүрхсэн эрчүүдийг өдөж, хохирогчоо болгодог байсан гэнэ. Гурван эрд хүчиндүүлсэн, найман эрд хүчиндүүлсэн гэх мэт дараалсан худал мэдүүлгүүд нь түүний хянаж шалгах явцад ил болж, Махад Кассимыг ч худал гүтгэсэн нь тодорхой болжээ.

Жемма Билийн хэргийг шүүсэн шүүгч Николас Лорейн-Смит "Тэр үнэхээр урлагтай худлаа яриад сурчихсан хүн юм" хэмээн мэдэгдсэн байна.

М.Болджин