МАКГРЕГОР: БИ НАСААРАА САНАА ЗОВОХООРГҮЙ ИХ МӨНГӨТЭЙ БОЛЛОО

Дэлхийн тулааны урлагийн түүхэнд мэргэжлийн боксчин холимог тулаанчтай дуулиантай тулаан хийсэн анхны тохиолдол болж, Флойд Мейвезер-Конор Макгрегор нар Лас-Вегаст тулсан. Тулааны аравдугаар үед Флойд Мейвезер өрсөлдөгчөө техникийн нокаутаар буулган авч ялалт байгуулсан юм. Ингэснээр тэрбээр мэргэжлийн боксын рингнээ 50 тулаан хийж бүгдэд нь ялалт байгуулсан гайхалтай дүнтэй боллоо.

Харин түүнд ялагдсан UFC-гийн дэлхийн аварга, ирлан тулаанч Конор Макгрегор ийн өгүүлсэн байна.

"Одоо би бүх насаараа санаа зовоохооргүй амьдрах мөнгөтэй боллоо. Хэрвээ би тэнэгтэхгүй, тооцоотойхон зарцуулбал энэ мөнгө надад үлдсэн амьдралын минь бүрэн баталгаа болно. Тулааны хувьд бол шүүгч арай эрт зогсоочихлоо. Би нам цохиулаад ринг мөргөж унамаар байсан юм" хэмээн Конор өгүүлжээ.

Тус тулааны ялагч Флойд Мейвезер 250 сая ам.доллар шагналд гардсан бол Конор Макгрегор 130 сая ам.доллар хүртжээ.

М.Болджин