ИНГЛАК ЧИНАВАТЫГ БАРИВЧЛАХЫГ ТАЙЛАНДЫН ШҮҮХ ДААЛГАЖЭЭ

2017/08/25

Тайландын Ерөнхий сайд асан Инглак Чинаватыг баривчлах зөвшөөрлийг Тайландын шүүх олгожээ. Түүнийг улсын мөнгө ихээр шамшигдуулсан хэрэгт буруутган шүүхийн танхимд дуудсан ч өвчтэй гэсэн шалтгаанаар очихоос татгалзсан юм. Өвчний магадлагаа шаардсан ч хугацаанд нь ирүүлээгүй тул баривчлахыг даалгасан байна.

Инглак Чинават сонгуулийн хөтөлбөртөө фермерүүдийн эдийн засгийн чадавхийг сайжруулна гэсэн амлалт өгөөд улмаар ялалт байгуулж, 2011-2014 онд фермерүүдээс будааг нь өндөр үнээр худалдан авч хилийн чанадад гаргаж байсан юм. Гэлээ ч будааны үнэ дэлхий даяар эрс унаж, Бангкокт эмх замбараагүй байдал үүсч, жагсаал тэмцэл ээлжлэн өрнөх болсноор түүний ажил хэрэгжих боломжгүй болж, улмаар улсын төсөв 25 сая доллараар хохирсон гэж үзэж буй юм.

Хэрвээ Инглак Чинаватыг шүүх буруутай гэж үзвэл 10 хүртэлх жилийн ял оноох ажээ.

М.Болджин

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ