ӨНӨӨДӨР ЗАЛУУЧУУДЫН ӨДӨР

Хүн бүхний хамгийн сайхан дурсамжит үе бол алдаж, онож явсан залуу нас байдаг. Тиймээс ч жил бүрийн энэ өдрийг залуучуудаараа овоглодог билээ. Өнөөдрийн байдлаар монголчууд 3,160,197 болсон байна. Харин өмнө нь Монгол Улсын нийт хүн амын 68 хувийг залуучууд эзэлдэг гэж мэдээлж байсан. Харин өнөөдрийн байдлаар нийт хүн амын 42.2 хувийг 15-39 насны залуучууд эзэлж байна.

Дэлхийд залуучуудын өдрийг тусгайлан тэмдэглэдэг цөөхөн орны нэг нь манай улс. Залуучууд олон байхын хэрээр улс орны хөгжил илүү хурдан, эрчтэй байдаг. Тэд ертөнцийг шинэ содон өнгөөр харж, урагшлах хүч болдог байна. Энэ жилийн залуучуудын жилийн уриа "Эерэг амьдарцгаая". Энэ хүрээнд Монголын залуучуудын эвслээс "Залуучуудын иргэний нийгмийн гуравдугаар чуулган"-ыг Улаанбаатар чуулгын байранд өнөөдөр 09.00-18.00 цагийн хооронд зохион байгуулж байгаа аж.