"АВАТАР"-ЫН ШИНЭ АНГИУДЫН ТАЛААР ЖЕЙМС КЭМЕРОН АМ НЭЭВ

"Аватар" кино 2010 онд дэлгэцэнд гарсны дараагаар нэрт кино найруулагч Жеймс Кэмерон дахиад дөрвөн ангийг үзэгчдийн хүртээл болгоно гэж амласан билээ. Түүнээс хойш долоон жил өнгөрсөн ч киноны шинэ ангиудын үйл явдлын талаар сураг ажиг огт сонстсонгүй. Гэхдээ Жеймс Кэмерон ажлаа хийсээр, "Аватар"-уудаа ахиулсаар байгаа юм байна. "Аватар"-ууд гэхийн учир нь киноны дөрвөн ангийг зэрэг хийж, дуусах дөхжээ. Жеймс Кэмерон шинэ дөрвөн ангийн талаар нууцыг цухас дэлгэсэн аж.

"Шинэ ангиудын чиг бол бид хуучин баатрууд, дүрүүд дээрээ ажиллаж, түүн дээрээ нэмж түүхүүд хүүрнэх юм. Тэрнээс анги болгон цоо шинэ дүрүүд, баатруудтай байна гэсэн үг биш. Гэхдээ мэдээж зарим нэг шинэ дүр гарч ирэх нь ойлгомжтой. Киноны сөрөг талынхан өөр дүр гарахгүй. Хуучнаараа л байна. Харин түүхүүд шинэ. Илүү сонирхолтой, адал явдалтай, амттай байх болно" гэж Жеймс Кэмерон ярьжээ.

Харин дөрвөн ангийн зураг авалтыг зэрэг хийх аргыг "Бөгжний эзэн"-ийг бүтээсэн Питер Жексоноос санаа авснаа нуусангүй.

"Олон ангийн зураг авалтыг зэрэг хийгээд байгаад чи л буруутай гэж би Жексонд хэлсэн. Энэ түүхийг ярьвал дуусахгүй яриа болно. "Бөгжний эзэн"-ээс ялгаатай нь бидэнд эхлэл, өрнөл, төгсгөл гэж байхгүй. Дөрвөн өөр түүх байх юм" гэж Жеймс Кэмерон тодруулсан байна.

М.Болджин