​П.ОРХОН ДЭЛХИЙН АВАРГА БОЛЛОО

Францын нийслэл Парис хотноо болж буй чөлөөт бөхийн ДАШТ-ээс манай тамирчин Пүрэвдоржийн Орхон эмэгтэйчүүдийн 63 кг-ын жинд ДЭЛХИЙН АВАРГА боллоо. Түүний жинд 23 улсын бөх барилдсанаас манай тамирчин аваргын төлөөх барилдаанд 2014 оны дэлхийн аварга, Украины бөх Юлия Ткачийг 6:3-аар ялж ийнхүү монголчуудынхаа магнайг тэнийлгэлээ.

П.Орхон хоёр жилийн өмнө алдарт Иван Ярыгины нэрэмжит Гран-Пригийн аваргын төлөөх барилдаанд Японы домогт бөх, олимпийн дөрвөн удаагийн аварга Каори Ичог 10:0-ээр ялснаар дэлхий дахинд нэгэн хүчтэй бөх гарч ирж буйгаа дуулиантай зарласан билээ.

Эмэгтэйчүүдийн 55 кг-ын жин Японы Харуно Окуно, 58 кг-ын жинд олимпийн аварга, АНУ-ын тамирчин Хелен Марулис, 75 зг –ын жинд Туркийн Ясемин Адар тус тус түрүүлж аварга боллоо.

М.Болджин