​Ж.ЭНХБАЯР: АЛБАН ТУШААЛ ЭРХ МЭДЭЛ СОНИН БИШ БАЙНА

Засгийн газраа огцруулах бичигт гарын үсэг зурсан УИХ-ын гишүүн Ж.Энхбаяр Засгийн газраа огцруулах болсон шалтгаанаа ийнхүү тайлбарлалаа. Тэрбээр " 800 тэрбум төгрөгийг концесс нэрээр Засгийн газар дотроо хувааж хүртэж байна. Монгол Улсыг барьцаанд тавьж авсан зээлийг яагаад хувийн компаниуддаа өгч байгаа юм бэ.

60 тэрбумын албан тушаалын наймааны асуудал яагаад яригдах болов. Авлига, албан тушаалын энэ бохир үйл ажиллагаануудыг цэвэрлэх цаг нь болсон. Ардын нам л үүнийг хийхгүй бол өөр төрийг цэвэрлэх бодитой улстөрийн хүчин байхгүй. Гэмт хэрэгжсэн тогтолцоог тас цохиж, цэвэрлэж авахгүй бол улс оронд, бидний ирээдүйд аюултай.

Би сонгогчдод амлалт өгсөн байгаа. Тэр амлалтанд дээрээ байх болно. УИХ-ын гишүүнийг нэр төртэй амжилттай гүйцэтгэнэ. Шударга бүхний төлөө тэмцэнэ. Албан тушаал эрх мэдэл сонин биш байна. Авлига хээл хахуулийн холбоо гинжийг тас цохихгүй бол улс оронд аюул учраад байна гэдгийг мэдэрсэн. Төр нь төр шиг, нам нь нам шиг, Засаг нь засаг шиг байлгах цаг үеийг бид хүсч, нэгдэж, тэмцэж байна.

Улс орны эрх ашиг, амин чухал асуудлыг ярьж чадахгүй, цалин, тэтгэвэр тавьж чадахгүй байж, албан тушаалыг ашиглан хувийн ашиг сонихолдоо ашиглаж болохгүй. Албан тушаалтнуудад хариуцлага тооцож чаддаг гэдгийг мэдрүүлэх ёстой. Улстөрийн бусад нам, бүлэг дэмжинэ гэдэгт итгэж байна. Монголчууд шударга, төр нь цэвэр байх ёстой. Цөөнхөд үйлчилсэн арчаагүй байдлаасаа салах ёстой" гэлээ.

Б.Ирээдүй