ШВЕД СЭТГҮҮЛЧ ЭМЭГТЭЙН ЦОГЦСЫГ ОЛЖЭЭ

Данийн хүчний байгууллагынхан олон хоногийн турш эрэл хайгуул хийсний дүнд швед сэтгүүлч эмэгтэй Ким Уоллын цогцсыг тэнгисээс олжээ. Өнгөрсөн наймдугаар сарын 11-нд Копенгагений ойролцоо хувийн шумбагч онгоц живж, улмаар сэтгүүлч эмэгтэйн цогцос олдохгүй байсан юм. Сэтгүүлч эмэгтэйг хамгийн сүүлчийн удаа UC3 Nautilus шумбагч онгоц дээр байхыг харснаа гэрчүүд мэдүүлсэн.

Гэлээ ч тус шумбагчийг зохион бүтээгч, эзэмшигч Петер Мадсен "Би Ким Уоллыг Копенгагений ойролцоо буулгасан" гэж эхлэн мэдүүлж байжээ. Харин дахин мэдүүлэг өгөхдөө шумбагч онгоцонд асуудал гарч эвдэрч, сэтгүүлч эмэгтэй амиа алдсан гэж хэлжээ. Түүнээс хойш сэтгүүлч эмэгтэйн цогцсыг хайж эхэлсэн юм. Петер Мадсений шумбагч нь хувь хүний бүтээсэн хамгийн том шумбагч онгоц юм. Түүнийг одоо сэтгүүлч эмэгтэйн амийг хөнөөсөн хэрэгт сэжиглэн шалгаж байна.

С.Болджин