​У.ХҮРЭЛСҮХ ШАДАР САЙДААС ЧӨЛӨӨЛӨГДӨХ ӨРГӨДЛӨӨ ӨГНӨ

МАН-ын хувьд дуулиантай долоо хоног өнгөрлөө. Удирдах зөвлөлийн хурал нь ширүүхэн болж, У.Хүрэлсүх сайд ажлаа өгөхөө мэдэгдэж, намын удирдлагуудтайгаа "хэн нь хэнийгээ" үзэх тухай яриатай долоо хоног өнгөрлөө. Харин шинэ долоо хоногийг Шадар сайд У.Хүрэлсүх ажлаас чөлөөлөгдөх өргөдлөө өгч, намаасаа хөөгдөх эсэх асуудалтайгаар эхлүүлэх гэж байгаа бололтой.

Тодруулбал, Өнгөрсөн долоо хоногийн лхагва гарагт МАН-ын Удирдах зөвлөлийн хурал дээр Шадар сайд У.Хүрэлсүх ажлаас чөлөөлөгдөх өргөдлөө өгнө хэмээн хэлээд хурлыг орхин гарсан. Тэгвэл албаны эх сурвалжийн хэлж буйгаар Шадар сайд У.Хүрэлсүх ажлаас чөлөөлөгдөх өргөдлөө биччихээд өнөөдөр Засгийн газарт хүргүүлэх гэж байгаа гэнэ.

Мөн Ерөнхийлөгчийн сонгуулиар намынхаа төлөө эсрэг ажиллаж, АН-ын төлөө ажилласан нь утасны ярианаас нотлогдож, намын гишүүд дэмжигчид, удирдлагуудынхаа дургүйцлийг хүргэсэн байна. Тиймээс МАН-ын зарим удирдлагууд У.Хүрэлсүхэд хариуцлага тооцоод намаасаа хөөх саналыг гаргасан тухай баттай эх сурвалж мэдээллээ.

Ямартай ч энэ долоо хоногт МАН-ын зүгээс нэлээд дуулиан шуугиантай байх бололтой.

Б.Ирээдүй