ТАВАН ХҮҮХЭД ОР СУРАГГҮЙ ГУРАВ ХОНОЖ БАЙНА

Сүхбаатар дүүргийн 20-р хорооны нутаг дэвсгэр, Бэлхийн орчмоос дөрвөн айлын 5 хүүхэд алга болоод дөрөв хонох гэж байна. Ор сураггүй алга болсон хүүхдүүд 12-15 насныхан бөгөөд хоёр охин, гурван эрэгтэй аж.

Сүхбаатар дүүргийн Цагдаагийн хоёрдугаар хэлтэст хүүхдүүдийн ар гэрийнхэн 8-р сарын 14-нд хандсан боловч цагдаагийн алба хаагчид эрлийн ажиллагаа явуулахгүй байгаа тухай ар гэрийнхэн гомдоллов.

Одоогийн байдлаар 4-5 автомашинтай ар гэрийнхэн нь ууланд явж хүүхдүүдээ хайж байгаа юм. Зариг.мн сайтын сурвалжлах баг эрлийн газарт ажиллаж байгаа бөгөөд тун удахгүй алга болсон хүүхдүүдийн ар гэрийнхэнтэй уншигч та бүхнийг уулзуулан бодит мэдээллийг хүргэн болно.

Ц.Бат