ӨРХИЙН САРЫН ДУНДАЖ МӨНГӨН ОРЛОГО 926.4 МЯНГАН ТӨГРӨГӨӨР ӨСЧЭЭ

Үндэсний статистикийн хорооноос гаргасан 2017 оны хоёр дугаар улирлын судалгаагаар нэг өрхийн сарын дундаж мөнгөн орлого 926,4 мянган төгрөг болжээ. энэ өмнөх оны мөн үеэс 52.0 (6.0%) мянган төгрөгөөр өссөн үзүүлттэй байна. Харин нэг өрхийн сарын дундаж мөнгөн орлого өсөхөд хөдөө аж ахуйн бус үйлдвэрлэл, үйлчилгээний орлого 5.9 (7.9%) мянган төгрөгөөр буурсан байна. Цалин хөлсний орлого 23.3 (4.8%) мянган төгрөг, тэтгэвэр, тэтгэмжийн орлого 23.9 (14.9%) мянган төгрөгөөр өссөн нь голлон нөлөөлжээ.

Нэг өрхийн сарын дундаж бодит мөнгөн орлогын хэмжээ 2017 оны хоёр дугаар улиралд 896.8 мянган төгрөг болж, өмнөх оны мөн үеэс 22.4 (2.6%) мянган төгрөгөөр өсжээ. Нэг өрхийн сарын дундаж мөнгөн зарлага энэ улиралд 1.0 сая төгрөг болж, өмнөх оны мөн үеэс 53.1 (5.6%) мянган төгрөгөөр нэмэгдсэн байна. Мөн нэг өрхийн сарын дундаж мөнгөн зарлага өсөхөд хүнсний бус бараа, үйлчилгээний болон бусад зарлага 45.3 (6.4%) мянган төгрөгөөр өссөн нь голлон нөлөөлжээ.

Ю.Гэрэл