​Ж.БААТАР: ХОРООГООР ДАМЖИЖ ИРГЭДЭД ХҮРДЭГ ТӨРИЙН ҮЙЛЧИЛГЭЭ ЯЛГАВАРТАЙ БОЛСОН​

Хууль бусаар засаг дарга нарыг томилж байгаа асуудал Баянгол дүүрэгт үүсээд байна. Мөн тус дүүрэгт иргэдэд хүрдэг төрийн үйлчилгээ ялгавартай болсон тухай ч БГД-ийн ИТХ-ын МАН-ын бүлгийн дарга Ж.Баатар ярив. Тэрбээр "Манай дүүргийн 23 хороонд эдгээр бүх зөрчил яг ижил түвшинд гарсан. Үүнээс үүдэлтэй иргэдийн дунд намын талцал, хуваагдал үүсч байна. БГД-ийн нийт 11 хорооны иргэд хууль бус үйлдлийг эсэргүүцэж шүүхэд хандсан байдаг. Шүүхийн анхан шатны шийдвэрээр БГД-ийн Засаг дарга С.Одонтуяаг тус дүүргийн 23 хорооны ИНХ-ын хууль бус шийдвэрийг хүлээн зөвшөөрч, Засаг дарга нарыг томилж байгаа нь иргэдийн эрх ашгийг боогдуулж, холбогдох хууль, тогтоомжийг зөрчсөн байна гэж тогтоосон. Ийм байхад БГД-ын Засаг дарга, ИТХ-ын дарга нар улайрсаар байгаад Засаг дарга нарыг томилсон. Мөн хороогоор дамжиж иргэдэд хүрдэг төрийн үйлчилгээ ялгавартай байх болсон. Энэ бол бүр ил цагаандаа гарсан" гэлээ.

Б.Ирээдүй