​2,5 САЯ ТӨГРӨГ ХУЛГАЙЛСАН ЭТГЭЭД БАРИГДЖЭЭ

Цагдаагийн байгууллагад 08-р сарын 14-ны өдрийн 05:00 цагаас 08-р сарын 15-ны өдрийн 05:00 цагийн хооронд иргэд, байгууллагаас нийт 1866 гомдол мэдээлэл бүртгэгджээ. Хичээлийн шинэ жилийн бэлтгэл ажил гээд иргэд их хэмжээний бэлэн мөнгө авч явдаг, хөл хөдөлгөөн ихэсдэг үед хулгайн гэмт хэрэг нэмэгдэх хандлагатай байдаг.

Өчигдөр Баянзүрх дүүргийн 14 хорооны "Нарантуул" олон улсын худалдааны төвийн өргөтгөлийн зогсоолд байсан автомашинд хулгай орсон гэх мэдээлэл цагдаагийн байгууллагад иржээ. Мэдээллийн дагуу шалгахад СХД 31 дүгээр хороонд оршин суугч Н "Bongo" автомашины хаалга онгорхой байхад нь БЗД-22 дугаар хороонд оршин суугч О-ын цүнхтэй 2,530,000 төгрөгийг хулгайлсныг шуурхай эрэн сурвалжилж илрүүлсэн байна. Харин хэргийг Баянзүрх дүүргийн цагдаагийн нэгдүгээр хэлтэст шалгаж байгаа аж.

Мөн энэ сарын 14-ний 12:00-13:00 цагийн хооронд Чингэлтэй дүүргийн 16 хорооны Согоотын ... тоотод хулгай орж MNBC хүлээн авагч алдсан гэх мэдээллийн цагдаагийн байгууллагапд ирүүлжээ. Тус тоотод оршин суугч иргэн Б 13:15 цагт өргөдөл гаргаж ирснийг цагдаагийн алба хаагчид шалгахад тус дүүргийн 16 хороонд оршин суугч 45 настай О гэх эмэгтэй хулгайлсныг шуурхай эрэн сурвалжилж илрүүсэн байна. Хэргийг Чингэлтэй дүүргийн цагдаагийн хоёрдугаар хэлтэс шалгаж байгаа аж.

Ю.Нямгэрэл