ХАР ТАМХИ ХЭРЭГЛЭСЭН БҮЛЭГ ЗАЛУУСТ ЭРҮҮГИЙН ХЭРЭГ ҮҮСГЭН ШАЛГАЖ БАЙНА

Хар тамхи хэрэглэн мансуурч байсан залуусыг цагдаагийн байгууллага саатуулан шалгаж байна. Хэргийг талаар тодруулбал, "2017 оны долдугаар сарын 17-ны өдөр Улаанбаатар хотын СБД-ийн 8-р хорооны нутаг дэвсгэрт таван залуу мансуурсан байдалтай байна" гэх мэдээлэл цагдаагийн байгууллагад иржээ. Мэдээллийн дагуу цагдаагийн албан хаагчид дээрх этгээдүүдийг шалган үзлэг хийхэд иргэн Т-ийн биеэс мансууруулах болон сэтгэцэд нөлөөтэй байж болзошгүй цаасанд боосон зүйл илэрсэн байна. Тиймээс энэ хэрэгт Монгол улсын иргэн Т, Ц, Ө, Л, Т гэх таван этгээдийг саатуулан Монгол Улсын Эрүүгийн хуулийн тусгай ангийн 20.7 дугаар зүйлийн 1 дэх хэсэгт зааснаар эрүүгийн хэрэг нээн шалгаж байгаа ажээ.

Мөн дээрх этгээдүүдийн биеэс биологийн дээж авч шалгахад ТНС буюу мансууруулах, сэтгэцэд нөлөөт бодис хэрэглэсэн болох нь тогтоогдсон байна.

Ю.Гэрэл